صديق لو سمحت صحن كبده بالفلفل الحار .. محلي وبسرعه

لاتاكلون كبده من المطاعم

ما أكثرها حالات التسمم والتي نسمع عنها كل يوم من قريب أم من بعيد عن طريق الجرائد اليوميه أو عن طريق تجربه لأحد الاقارب أو الاصدقاء مع احد المطاعم والتي تكون على هيئة نزله معويه

 . في أحد الخماميس(هالخميس الفايت) من شهر ربيع الاول أصر علي أحد الاقارب بأن أصحبه ليفطر في أحد بوفيهات الكبده والفول والعدس أنا بطبعي لا احب أكل الكبده إلا في المنزل وتكون طازجه وغير مبرده وتطبخ أمام ناظريّ أو بمن أثق بهم ، صاحبي هذا مشتهي كبده ولا يسأل عن مصدرها وهل هي بايته أم طازجه المهم أنه ياكل كبده في اليوم الذي يشتهيها فيه ذهبت معه لأقرب محل والذي في العاده يمر عليه قبل الدوام ويفطر عنده مع كوب شاي ،دخلنا وعلى طوول بدأ صاحبي بالطلب ..صديق ... لو سمحت كبده مع الفلفل الحار محلي وبسرعه (داخل المطعم) سبحان الله أنا ملاحظ على السعوديين أنهم لازم طلباتهم تقرن بكلمة (بسرعه... وهو فاضي وماعنده شيئ .. طيب على أيش مستعجل؟!!) معلم الكبده باشر بعمل الكبده أنا ماجلست بجانب صاحبي رحت أشوف كيف يسوي الكبده ، وقفت عند المعلم وسالته .. الكبده هذي طازجه أو مبرده ؟ قال لأ هذا مبرّد ... ما أعجبتني وقربت أبشوف الطاسه اللي هو يغرف منها الكبده ( كرم الله النعمه الطاسه الموضوعه فيها الكبده شبهت بها الطيس اللي بدورة مياه مسجدنا ... حسيت بنقزة مرّ ودوخة راس... وهذا وانا ماأكلتها !؟ ) بعد ماغرف الكبده يبي يحطها على الزيت والبصل ناظرت اللي بالعادة يطبخون بها الكبده وهو عبارة عن صاج(حديده) دائري الشكل  قابل للصدأ ويتحلل وينكحت جزء منه مع كل تنظيف له عن طريق المكحته (المكحته مثل اللي يملطون به المعجون على الجدران أو اللي يقطعون بها الهريسه؟! ) حط الكبده على الصاج صراحة أنتشرت ريحتها بالمحل وبدأ يضيف لها الطماطم والبهارات والفلفل الحار .. خلص وقدمها لصاحبي وناداني تعال أنطح فالك (قلت فالك البيرق وفالك مغصن يخليك ترقص من غير شعور ) قلت لا أنا مابي بس ياليتك قبل ماتاكل تجي وتشوف الصحن أو الباديه اللي تحت هذا الصاج والله أن تعوف الاكل بهالمطعم ولاتطبه أبد ( الصاج مايغسلونه أبد حتى ينتهون من عملهم الصباحي على صوت آذان الظهر وكل زبون يطلب كبده أو مقلقل دجاج أو لحم أكلف عليهم هو انهم يكحتوون الصاج ويقومون بعمل الكبده على آثار الكبده أو المقلقل السابق ... طيب تراكم الزيوت على الصاج واللي لونه أصبح أسود ويبين مع كل كحته للصاج ... الصاج متآكل يعني عند طبخ الكبده والتي بالغالب يكون طلب الزبون نص أستواء (أكثر مرضاً) إذا أكلت كبده أو مايعمل على هذا الصاج يكون يأخذ جزء من براده الحديد وقطع من الزيت الغليظ (كرم الله النعمه هالكبده ريحتها وريحة الزيت والاضافات اللي عليها صكت راسي واللي خلتني أحلف على صاحبي أنه مايكملها وقومته وهو مشتهيها واعدٍ إياه بأن نذهب للمصلخ وناخذ من هناك كبده طازجه ونسويها حنا بيدينا )

الكبده المبرده والكبده اللي يقولون إنها طازجه والتي لانعلم مصدرها أغلبها تكون مخزنه والتي تضاف إليها مواد حافظه مثل النترات لتحتفظ بشكلها وبلونها الخارجي ودون إكتراث لما تحدثه تلك المواد مع الوقت فهي لها آثار تراكميه ، غير أن العماله بعضهم مصابون بامراض معديه قدموا بها من دولهم ويستخرج لهم شهادات صحيه مزوره (وهذا ماكشفه مسؤولون في الامانه عن حالات متورطه بذلك)  غير المواد المسرطنه والتي تنتج من تساقط الزيوت على النار أو بقايا الزيت على الصاج والتي تمتصها اللحوم والتي يكون غالبها تم شوائها من الخارج ويضل داخلها متجمعاً فيه الدم والذي يحوي ميكروب البروسيلا..وعلى هذا جرى التنويه عن عدم أكل اللحوم الغير معروف مصدرها وخصوصاً الكبد لما تحويه من دماء ملوثه . ومن يصرّ على تناول الكبده فاليأخذها طازجةً من المصالخ والتي يشرف عليها أطباء بيطريون .

والحمدلله رب العالمين

هذا المعلم وهو يسوي الكبده تلاحظون الصحن اللي تحت فيه الزيت المكحوت ):

(كلمة مكحوت مأخوذه من كحت الشي) <-فسر الماء بالماء

الطاسه السماويه اللي فيها الكبده .. والبريق الاصفر فيه الزيت اللي يصبه على الصاج لتستوي الكبده عليه .

هذا الزيت المكحوت (بدلاً ماينظفون الصاج بالماء والصابون يكحته ويسوي عليه مرة ثانيه وثالثه ورابعه وهلم بعّدّدّ.. قصدي هلم جرجر )  راح تشوفون الزيت المحروق عن قرب بصورة ثانيه ..

هاه وش رايكم هذا الزيت وكأنه زيت سيارات محروق . وجزء منه المتبقي على الصاج راح يختلط مع الكبده ويستقر بأحشاء آكلها ):

هذا الكوب يشرب فيه كل زبون يجلس على الطاوله ليتناول الافطار مع نفحات وانفاس غريبه يعني متداول بين ايدي غير مريضه و مريضه وبراطم لانعلم ماتحمله (بعععع)

هذي الكبده (ريحتها فيها قدم شوي معفنه كرم الله النعمه) بعدما قومت صاحبي ووحومت تسبده من كثر ماقرقت فوق راسه ومن أمامه ومن خلفه حتى جابت طريقتي نتيجه وقام وهو مشتهيها (: وباقي منها أكثر من نصها

 ساده وشوله ياكل شي مايعرف مصدره .